Kurupae Taurite – 1
Hei taurite, me ōrite ngā taumaha i ngā taha rerekē o te kurupae taurite whakapae. Ka hoatu te taumaha katoa ki runga ake i te kurupae taurite.
I roto i tētahi panga, me ōrite te taumaha o ngā āhua ōrite. Heoi anō, e whakaaetia ana kia ōrite te taumaha mō ngā āhua rerekē.
TE WERO
E 2 te taumaha o ia tapawhā. Kimihia te taumaha o ia tapatoru me te taumaha katoa o ngā āhua katoa.
HE WHAKAMAHI
Waihangahia ngā kurupae taurite hei whakaoti mā ētahi atu. Kia tino mōhio kei roto ngā mōhiohio e tika ana kia taea ai te whakamārama.
Notes
TE WERO
Whakakapia ngā tapawhā ki te 2. Ko te tikanga o tēnei, ka taurite ngā tapatoru e toru i te taha maui ki te tapatoru me te 6 (e toru ngā 2) i te taha matau. Kia ōrite ai ēnei taha e rua, me taurite ngā tapatoru e rua ki te 6. Nō reira, ko te taumaha o ia tapatoru he 3.
Mā te whakakapi i ngā tapatoru ki te 3, ko te tikanga he 9 te katoa i ia taha, ā, ko te tapeke katoa he 18.